लोकसंवाद संवाददाता | विदेश | भदौ २६, २०७७
भारत र चीनबीच वास्तविक नियन्त्रण रेखा (एलएसी) मा जारी तनाव कम गर्न पाँच बुँदे सहमति भएको छ ।
भारतीय विदेश मन्त्री एस जयशंकर र उनका विदेशमन्त्री वांग यीबीच रुसको मस्कोमा भएको भेटवार्ताका क्रममा पाँच बुँदे सहमति भएको हो ।
यद्यपि बैठकमा भएको ठोस सहमति सार्वजनिक गरिएको छैन । बैठकमा भारतका विदेश मन्त्री जयशंकरले एलएसीमा जारी तनाव थप बढाउने पक्षमा भारत नरहेको र चीनसँगको भारत नीतिमा पनि कुनै परिवर्तन नरहेको बताएका थिए ।
चीनको भारत नीतिमा पनि कुनै परिवर्तन नभएको विश्वास भारतलाई रहेको जयशंकरको भनाई थियो ।
चिनियाँ विदेश मन्त्रालयले दुई छिमेकी देशबीच असहमति हुनु स्वभाविक भएपनि त्यसलाई सही ढंगले समाधान गरिनुपर्ने पक्षमा चीन रहेको जनाएको छ ।