लोकसंवाद संवाददाता | खेलकुद | भदौ २६, २०७७
चौथो बरियताकी जापानकी खेलाडी नाओमी ओशाका युएस ओपन टेनिसको फाइनलमा प्रवेश गरेकी छन् ।
शुक्रबार बिहान सम्पन्न खेलमा अमेरिकी खेलाडी जेनिफर ब्राडीलाई पराजित गर्दै ओशाकाले फाइनलमा स्थान पक्का गरेकी हुन् ।
सन् २०१८ की विजेता ओशाकाले ब्राडीलाई ७–६ (७–१) ३–६ र ६–३ को सेटमा पराजित गरिन ।
२२ वर्षीया ओशाकाले उपाधिका लागि सेरेना विलियम्स र भिक्टोरिया अजारेन्काबीचको खेलको विजेतासँग उपाधिका लागि प्रतिस्पर्धा गर्ने छिन् ।