लोकसंवाद संवाददाता | खेलकुद | चैत्र २०, २०७५
काठमाडौं । इण्डियन प्रिमियर लिग (आइपिएल)मा दुई खेलाडीले मात्रै पाँच हजार रनको कोशेढुंगा पार गरेका छन् ।
चेन्नई सुपर किंग्सका सुरेश रैना र रोयल च्यालेन्जर्स बैंग्लौरका विराट कोहलीले मात्रै आइपिएलमा पाँच हजार रनको कोशेढुंगा पार गरेका हुन् ।
सुरेश रैना
रैनाले चालू आइपिएलको आफ्नो पहिलो खेलमा पाँच हजार रन पूरा गरेका हुन् । उनी आइपिएलमा पाँच हजार रन बनाउने पहिलो खेलाडी पनि हुन् । उनले अहिलेसम्म आइपिएलमा सर्वाधिक पाँच हजार ७० रन बनाएका छन् । उनले यो रन १७५ इनिङमा ३४.२६ को औशतमा बनाएका हुन् ।
विराट कोहली
कोहलीले पाँच हजार २६ रन बनाएका छन् । उनले यो रन १५९ इनिङमा ३७.७५ को औशतमा बनाएका हुन् ।