लोकसंवाद संवाददाता | कारोबार | चैत्र २५, २०७५
काठमाडौं । सुनको भाउ फेरि बढेको छ ।
नेपाल सुनचाँदी व्यवसायी महासंघका अनुसार सोमबार छापावाल सुन प्रतितोला दुई सय रूपैयाँ बढेको हो । आइतबार प्रतितोला ५९ हजार ८ सय रूपैयाँमा किनबेच भएको छापावाल सुन सोमबार ६० हजार रूपैयाँ पुगेको छ ।
यस्तै, तेजावी सुन पनि प्रतितोला दुई सय रूपैयाँ बढेको छ । आइतबार ५९ हजार ५ सय रूपैयाँमा किनबेच भएको तेजावी सुन सोमबार प्रतितोला ५९ हजार सात सय रूपैयाँ कायम गरिएको छ ।
चाँदीको मूल्य पनि सामान्य बढेको छ । आइतबार प्रतितोला सात सय २५ रूपैयाँमा कारोवार भएको चाँदी सोमबार सात सय ३० रूपैयाँमा किनबेच भइरहेको संघले जनाएको छ ।