लोकसंवाद संवाददाता | कारोबार | मंसिर २५, २०७७
प्रभु बैंक लि. ले . अंकित १,०००।– दरको १० वर्षको भुक्तानी अवधिका लागि जारी गर्न लागेको 'प्रभु बैंक डिबेञ्चर–२०८७' निष्काशन गर्नको लागि मेगा क्यापिटल मार्केट्स लि. लाई निष्काशन तथा विक्री प्रबन्धकको रुपमा नियुक्ती गर्ने सम्बन्धी सम्झौता भएको छ । उक्त सम्झौतामा प्रभु बैंक लि. का तर्फबाट प्रमुख कार्यकारी अधिकृत अशोक शेरचन र मेगा क्यापिटल मार्केट्स लिमिटेड का तर्फबाट प्रमुख कार्यकारी अधिकृत सुदय कान्त झाले हस्ताक्षर गर्नुभएको प्रेस विज्ञप्ती जारी गरी प्रभु बैंकले जानकारी दिएको छ ।
प्रभु बैंक लि. ले वार्षिक ८.५ प्रतिशतका दरले प्रत्येक तीन/तीन महिनामा ब्याज भुक्तानी हुने गरी ४ अरब बराबरको 'प्रभु बैंक डिबेञ्चर–२०८७' नामक ऋणपत्र (Debenture) सार्वजनिक निष्काशन गर्न लागेको छ । २ अरब ४० करोड रुपैयाँ बराबरको ऋणपत्र (Debenture) व्यक्तिगत तबर (Private Placement) बाट र १ अरब ६० करोड बराबरको ऋणपत्र (Debenture)सर्वसाधारणमा निष्काशन गर्न लागेको हो । मेगा क्यापिटल मार्केट्स लि. निष्काशन तथा विक्री प्रबन्धकत्वमा निकट भविष्यमा निष्काशन हुन लागेको रु. ४ अर्ब बराबरको 'प्रभु बैंक डिबेञ्चर–२०८७' को ट्रष्टीको रुपमा पनि मेगा क्यापिटल मार्केट्स लि. लाई नै नियुक्त गर्ने सम्बन्धी सम्झौता पनि आजै हस्ताक्षर भएको समेत प्रेस विज्ञप्तीमा उल्लेख छ । नेपाल धितोपत्र बोर्डबाट आवश्यक स्वीकृति प्राप्त भए पश्चात् 'प्रभु बैंक डिबेञ्चर–२०८७' सार्वजनिक निष्काशन गरिने समेत जनाएको छ ।