लोकसंवाद संवाददाता | कारोबार | पुष ७, २०७७
काठमाडौँ। मेगा बैङ्क नेपाल लिमिटेडले ललितपुर सुनचाँदी व्यवसायी सङ्घमा आबद्ध सुनचाँदी महिला व्यवसायीहरूलाई बिना धितो ब्याज अनुदान कर्जा दिने भएको छ ।
मेगा बैङ्क नेपाल लिमिटेडकी प्रमुख कार्यकारी अधिकृत अनुपमा खुञ्जेली र ललितपुर सुनचाँदी व्यवसायी सङ्घका अध्यक्ष रमेशबहादुर शाक्यबिच सङ्घमा आबद्ध महिला उद्यमीहरूलाई १५ लाख रुपैंयासम्म बिनो धितो ब्याज अनुदान कर्जा दिने सम्झौता पत्रमा हस्ताक्षर भएको हो । सुनचाँदी व्यवसायी सङ्घबाट सिफारिससहित आवश्यक कागजपत्र लिएर आउने उद्यमीहरूले यो कर्जा पाउने कुरा मेगा प्रेस रिलिजमा उल्लेख गरिएको छ ।
मेगा प्रेस रिलिजमा यस कर्जाले महिला उद्यमीहरूलाई आत्मनिर्भर बनाउन थप उत्साह र ऊर्जा मिल्ने मेगा बैङ्कको विश्वास लिएको समेत उल्लेख गरेको छ ।