लोकसंवाद संवाददाता | कारोबार | पुष १३, २०७७
काठमाडाैं । स्थानीय बजारमा आज सुनको मूल्य प्रतितोला ७०० रुपैयाँले उकालो लागेको छ । शुक्रबार र आइतबार बढ्ने वा घट्ने नगरी तथष्ट रहेको पहेँलो धातुको मूल्यमा आज एकै पटक वृद्धि भएको हो ।
नेपाल सुनचाँदी व्यवसायी महासङ्घका अनुसार छापावाला सुन आइतबार प्रतितोला ९४ हजार २०० रुपैयाँ रहेकामा आज प्रतितोला ९४ हजार ९०० रुपैयाँ पुगेको छ । यस्तै तेजाबी सुन आइतबार प्रतितोला ९३ हजार ७०० रुपैयाँ रहेकामा आज ७०० रुपैयाँले वृद्धि भई ९४ हजार ४०० रुपैयाँमा कारोवार भएको छ । त्यस्तै चाँदी आज प्रतितोला एक हजार ३१५ रुपैयाँमा कारोवार भएको छ । चाँदी आइतबार एक हजार २८० रुपैयाँमा कारोवार भएको थियो ।