लोकसंवाद संवाददाता | कारोबार | पुष २८, २०७७
काठमाडौँ । लगातार ओरालो लागेको सुनको मूल्यमा आज भने सामान्य वृद्धि भएको छ । प्रतितोला ९२ हजार २०० मा सोमबार कारोवार भएको छापावाला सुन आज भने तोलामा ६०० ले वृद्धि भई ९२ हजार ८०० पुगेको छ ।
यस्तै तेजाबी सुन प्रतितोला ९२ हजार ३०० मा कारोवार हुने गरी मूल्य निर्धारण भएको छ । तोलामा ९१ हजार ७०० मा तेजाबी सुन सोमबार कारोवार भएको थियो । यस्तै चाँदीमा आज तोलामा रु २० ले वृद्धि भएको छ ।
एक हजार २३० मा सोमबार कारोवार भएको चाँदी आज एक हजार २५० मूल्य निर्धारण भएको नेपाल सुनचाँदी व्यवसायी महासङ्घले जनाएको छ ।