सेनाको नियमित अभ्यास : बख्तरबन्द गाडीले  चक्रपथ परिक्रमा गर्दै

सेनाको नियमित अभ्यास : बख्तरबन्द गाडीले  चक्रपथ परिक्रमा गर्दै

लोकसंवाद संवाददाता  |  समाचार  |  माघ २०, २०७७

काठमाडौं । नेपाली सेनाका करीब १० बख्तरबन्द गाडीले आज राति चक्रपथ परिक्रमाको अभ्यास गर्दैछन् । सेनाको नियमित अभ्यासअनुसार नै ती गाडीले चक्रपथको चक्कर लगाउने योजना बनेको हो । 

मुुलकका आठवटै पृतनाअन्तर्गतका ‘मेकनाइज्ड युनिट’बाट पनि यही माघ २१ गते देशका विभिन्न स्थानमा बख्तरबन्द गाडीको अभ्यास हुुने सेनाका प्रवक्ता सन्तोषबल्लभ पौडेलले जानकारी दिनुुभयो  । नियमित भए पनि सो अभ्यासबारे सर्वसाधारणलाई समयमै जानकारी दिने हेतुुले सेनाले त्यसबारे सूूचना जारी गरेको छ ।

सेनाले आफ्ना साधनको प्रयोगमा चालकको आत्मविश्वास जगाउन पनि  यसखाले नियमित अभ्यास गर्दै आएको छ ।  विगतमा यस्तो अभ्यास सीमित स्थानमा हुने गथ्र्यो । सर्वसाधारण नागरिकलाई आवतजावतमा असहज नहोस् भन्ने ध्येयले रातका समयमा उक्त अभ्यास गर्न लागिएको सेनाले जनाएको  छ ।