लोकसंवाद संवाददाता | समाचार | बैशाख ६, २०७६
भारतीय कांग्रेसको राष्ट्रिय प्रवक्ता प्रियंका चतुर्वेदीले राजीनामा गरेकी छन् । उनी राष्ट्रिय स्तरका बहसमा कांग्रेसको पक्ष प्रखरताका साथ राख्ने पंक्तिमा आउँथिन्, उनले राजीनामा पत्र कांग्रेस अध्यक्ष राहुल गान्धीलाई पठाएकी छन् ।
नयाँ दिल्ली, एजेन्सी । कांग्रेस प्रवक्ता प्रियंका चतुर्वेदीले पार्टीबाट राजीनामा दिएकी छन् । उनले कांग्रेस अध्यक्ष राहुल गान्धीलाई दुई पाना लामो राजीनामा पत्र पठाएकी छन् । कांग्रेसका वरिष्ठ नेता कपिल सिब्बलले यसबारे प्रतिक्रिया दिंदै भनेका छन्, यो उनको र पार्टीको आपसी मामिला हो । राजीनामा पछि ट्विट गर्दै प्रियंकाले लेखेकी छन्, गएको तीन दिनदेखि देशभरबाट मलाई जुन स्नेह र समर्थन प्राप्त भयो त्यसप्रति म पूर्णतया कृतज्ञ र आभारी छु । 
राहुल गान्धीलाई पठाएको पत्रमा उनले लेखेकी छन् म बडो दुखका साथ पार्टीका सबै पदबाट राजीनामा दिंदैछु । दश वर्ष पहिला म पार्टीको विचारधाराबाट प्रभावित भएर पार्टीमा सम्मिलित भएकी थिएँ तर आज राजीनामा गर्न विवश भएँ ।
प्रियंकाले आफ्नो ट्विटर एकाउण्टबाट कांग्रेस पार्टीको नाम पनि डिलिट गरेकी छन् ।
उनले पार्टीमा गुण्डाहरुलाई प्रश्रय दिएको आक्षेप लगाएकी छन् ।
यसै बीच प्रियंकाले शिवसेनामा प्रवेश गर्ने हल्लाका बीच उनले शिवसेना प्रवेश गरिसकेकि छन ।