लोकसंवाद संवाददाता | कारोबार | चैत्र २५, २०७७
काठमाडौं । नेपाली बजारमा सुनको भाउ तोलामा पाँच सय रूपैयाँले बढेको छ ।
नेपाल सुनचाँदी व्यावसायी महासंघका अनुसार आज (चैत्र २५ गते) बुधबार छापावाल सुन प्रतितोला ७८ हजार रूपैयाँ तोकिएको छ। हिजो तोलाको ७७ हजार ५ सय रूपैयाँमा सुनको कारोबार भएको थियो ।
यस्तै, तेजाबी सुनको मूल्य पनि सोही दरमा बढेर प्रतितोला ७७ हजार ५ सय ५० रूपैयाँ कायम भएको छ । हिजो यसको मूल्य तोलामा ७७ हजार ५० रूपैयाँ थियो ।
चाँदीको मूल्य तोलामा १० रूपैयाँ बढेर १ हजार २ सय ४५ रूपैयाँ कायम भएको सुनचाँदी व्यावसायी महासंघले जनाएको छ ।