लोकसंवाद संवाददाता | खेलकुद | बैशाख १३, २०७६
काठमाडौं । इण्डियन प्रिमियर लिग (आइपिएल)मा कोलकाता नाइट राइडर्सले लगातार छैठौं खेलमा पराजित भएको छ ।
बिहीबार राती भएको खेलमा राजस्थान रोयल्सले कोलकातालाईे ३ विकेटले हरायो ।
जोफ्रा आर्चरले १२ बलमा २७ रन जोडेपछि राजस्थानले ४ बलअगावै सात विकेट गुमाएर जित दर्ता गर्यो ।
पियुस चावलाले २० रन खर्चेर ३ विकेट लिए पनि टिमलाई जित दिलाउन सकेनन् । यस्तै, सुनिल नैरनले दुई, प्रसिद कृष्णा र आन्द्रे रसलले समान एक विकेट लिए ।
त्यसअघि टस हारेर ब्याटिङ गर्न आएको कोलकाताले निर्धारित ओभरमा ६ विकेट गुमाएर १७५ रन जोड्यो । कोलकाताका लागि कप्तान दिनेश कार्तिकले अभिजित ९७ रनको पारी खेले ।
राजस्थानका वरुण आरोनले दुई, तथा श्रेयस गोपाल, जयदेव उनादकट र ओसाने थोमसले समान एक विकेट लिए ।