लोकसंवाद संवाददाता | समाचार | बैशाख १३, २०७६
गुजरात । भारतका अति विवादस्पद तथा चर्चित गुरु आशारामका छोरा नारायण साईलाई अदालतले दोषी घोषित गरेको छ ।
गुजरातको सूरतस्थित सेशन कोर्टले उनलाई दुष्कर्म मामलामा दोषी रहेको फैसला गरेको छ । अदालतले आउदो ३० अप्रिलका दिन उनलाई सजाय सुनाउने छ ।
४० वर्षीय नारायणलाई प्रहरीले सन् २०१३ डिसेम्बरमा गिरफ्तार गरेको थियो । उनीविरुद्ध गुजरातको सुरत सहरका दुई बालिका दिदीबहिनीलाई दुष्कर्मको आरोप लागेको थियो ।
पिता आशाराम र पुत्र नारायण दुवै थुनामा छन् ।
– एजेन्सीको सहयोगमा