लोकसंवाद संवाददाता | समाचार | बैशाख १७, २०७६
नेपालको मकालु बेस क्याम्पमा हिममानव भेटिएको भारतीय सेनाको दावी रहेकाे छ ।
हिममानवका विषयमा धेरै जिज्ञासा तथा कौतुहल कायम छ । हिममानव यस्तो हुनुपर्छ भन्ने तरह तरहका अडकल तथा अनुमान पनि छँदैछ ।
काठमाडौं, एजेन्सी
हिममानवका विषयमा जिज्ञासा धेरै अघि देखिको हो । हिममानव यति देखिएको दावी यसअघि पनि पटक पटक नआएको होइन ।
फेरि एक पटक हिममानव यति भेटिएको समाचार आएको छ । हिमालको गुफामा रहने विश्वास गरिएको हिममानवका विषयमा स्पष्ट जानकारी तथा प्रमाण नभए पनि भारतीय सेनाले हिममानव यति भेटिएको दावी गरेको छ ।
यस विषयमा आफूसँग सपष्ट प्रमाण रहेको भन्दै भारतीय सेनाले ३ वटा फोटो सार्वजनिक गरेको छ ।
भारतीय सेनाले हिमालमा हिम मानवको पाइलाको आकृति भेटिएको भन्दै ट्विटरमा शेयर पनि गरेको छ । सेनाले सार्वजनिक गरेको फोटोमा हिउँमा ठूलो ठूलो पाइला भएको आकृति देखिएको छ, जुन हिममानव यतिको भएको दावी सेनाको छ ।
भारतीय सेनाको पर्वतारोहण अभियान दलले २०१९ अप्रिल ९ का दिन मकालु बेस क्याम्प नजिक ३२x१५ इन्च लामो हिममानवको पाइला भेटिएको दावी गरेको छ ।
अपुष्ट समाचारका अनुसार हिममानव यति नेपालको मकालु–वरुण राष्ट्रिय निकुञ्जमा मात्रै पाइन्छ । अहिले भारतीय सेनाले भेटिएको दावी गरेको हिममानव पनि मकालु बेस क्याम्पमा अन्र्तगत नै हो ।
वैज्ञानिकहरुको भने हिममानव भएको कुरामा विमती छ ।