लोकसंवाद संवाददाता | समाचार | बैशाख १७, २०७६
कोलम्बो । बम विस्फोटपछि श्रीलंकामा लगाइएको सामाजिक सञ्जालमाथिको प्रतिबन्ध फुकुवा गरिएको छ ।
राष्ट्रपति मैत्रीपाला सिरिसेनाले मंगलबार उक्त प्रतिबन्ध फुकुवा गरेको सूचना विभागले जनाएको छ ।
सूचना विभागका प्रमुख नलका कालुवेवाले भने, ‘बम विस्फोटलगत्तै सामाजिक सञ्जालमा प्रतिबन्ध लगाउन निर्णय गरिएको थियो । अहिलेको स्थिति विश्लेषण गर्दा यो प्रतिबन्ध फुकुवा गर्नुपर्ने सरकारको ठहर छ ।’
उनले स्थिति सामान्य गर्नेतर्फ चासो दिनुपर्ने बताए ।
बम विस्फोटनपछि श्रीलंकामा अघिल्लो आइतबार (अप्रिल २१) सामाजिक सञ्जाल चलाउन प्रतिबन्ध लगाइएको थियो ।
विस्फोटमा २५३ जनाको ज्यान गएको बताइएको छ ।