लोकसंवाद संवाददाता | समाचार | जेठ ३१, २०७८
काठमाडौँ – पूर्वप्रधानमन्त्री एवं नेकपा एमालेका वरिष्ठ नेता नेता झलनाथ खनाल अस्वस्थ भइ अस्पताल भर्ना हुनु भएको छ ।
स्वास्थ्यमा समस्या भएपछि उहाँलाई सोमबार बिहान काठमाडौँको थापाथलीस्थित नर्भिक अस्पतालमा भर्ना गरिएको हो ।
कमजोरी महसुस भएपछि चिकित्सकको सल्लाहमा खनाललाई अस्पताल भर्ना गरिएको उनका प्रेस संयोजक कृष्ण भट्टराईले जानकारी गराउन भयो ।
खनाललाई यसअघि कोरोना संक्रमण भएको थियो । कोरोनामुक्त भइ अस्पतालबाट घर फर्केको केही दिनपछि उनको स्वास्थ्यमा फेरि समस्या देखिएको हो।