सन्तोष थेबे | साहित्य | असार ५, २०७८
१. फरक छ
फरक छ
कावा खादै आकाशमा उडिहिड्ने काकाकुल
धरतिमा जताततै रातो रगत देख्छ
तिम्रो नामको एक मत कसले बदर गर्यो को नि
तास झैं भत्किएर पनि यहाँ कोहि सुन्दर जगत देख्छ
फरक छ धेरै फरक छ
बज्रिसकेपछि घन
भत्किसकेपछि मन
सुकेका पातपतिङ्गरहरुले पनि बडेमानको आधितुफान छेक्छ।
२. बेवारिस सम्झना
रहर र सपनाहरु आखिर
अनुहारमै ज्वारभाटा पिएर बाच्छ्न भने
ऐनाको एक किनारमा उभिएर रमिता हेर्नू
कतै छेकिइ हालेछु भने अँध्यारो छायाले
पोल्टामा जतनले भिरेको एउटा पुरानो ऐना छ
सम्झनाहरु बेवारिस मरे त के भो
जूनतिर फर्किएर एक अन्जूली उज्यालो घट्घट पिएकैछु त....!
३. पुरानो भित्ता
कति सस्तो रहरहरुले पोतिएको
एक पुरानो भित्ता रहेछु
लिप्दा लिप्दै सम्झनाहरुले
पाप्रा पाप्रा भएर झरेछु
नछुनु पर्थ्यो छोइ त हाले
कस्सो तिम्रो तस्बिरमाथि खसिनछु ।
४. आधा बाटो
आधा बाटो सङ्गै हिडेपछी
के सोचेर फिर्यौ को नि
तिम्रो त घुम्ती घुम्तीमा घरजम होला
म भएँ सुकुमबासी....!
धरान, सुनसरी