लोकसंवाद संवाददाता | समाचार | श्रावण ३, २०७८
नेकपा एमालेका उपाध्यक्ष भीम रावलले सांसद पदबाट राजीनामाको घोषणा गर्नुभएको छ ।
अछाम क्षेत्र नम्बर- १ बाट निर्वाचित भएका उनले आइतबार सिंहदरबारमा भएको माधव नेपाल खेमाका सांसदहरूको भेलामा उहाँले राजीनामा दिएको घोषणा गर्नुभएको हो ।
नेपाली कांग्रेसका सभापति शेरबहादुर देउवाले संविधानको धारा ७६(५) अनुसार प्रधानमन्त्रीमा दाबी पेस गर्दा भीम रावलसहित एमालेका २६ जना सांसदले समर्थन गरेका थिए ।
सर्वोच्च अदालतको आदेशमा देउवा प्रधानमन्त्री नियुक्त भएर विश्वासको मत लिने दिन रावलले राजीनामाको घोषण गर्नुभएको हो ।