लोकसंवाद संवाददाता | खेलकुद | बैशाख २१, २०७६
नयाँ दिल्ली । राजस्थान रोयल्सका रियान पराग इण्डियन प्रिमियर लिग (आइपिएल)मा सबैभन्दा कम उमेरमा अर्धशतक बनाउने खेलाडी बनेका छन् ।
शनिबार दिल्ली क्यापिटलविरुद्धको खेलमा अर्धशतक प्रहार गर्दा उनको उमेर १७ वर्ष १७५ दिन थियो । उनले ४९ बलमा दुई चौका र दुई छक्का प्रहार गरी ५० रन बनाएका थिए ।
उनको कीर्तिमानबारे राजस्थान रोयल्सको ट्विटर ह्यान्डले पनि ट्विट गरेको छ ।
यसअघि यो कीर्तिमान सञ्जु सैमसनको नाममा थियो । उनले सन् २०१३ मा यो कीर्तिमान कायम गरेका थिए । त्यतिबेला उनको १८ वर्ष १६९ दिन थियो ।
अघिल्लो वर्ष पृथ्वी सोले पनि सैमसनको कीर्तिमानमा बराबरी गरेका थिए ।