लोकसंवाद संवाददाता | समाचार | श्रावण ५, २०७८
नेपाल कम्युनिस्ट पार्टी (एमाले)का अध्यक्ष केपी शर्मा ओली र नेत्रविक्रम चन्द ‘विप्लव’ समूहको नेकपाका नेताहरूबीच भेटवार्ता भएको छ ।
भेटका लागि विप्लव समूहबाट महासचिव विप्लव, खड्गबहादुर विश्वकर्मा ‘प्रकाण्ड’ र धमेन्द्र बाँस्तोला ओली निवास बालकोट पुग्नुभएको थियो ।
भेटमा सहभागी एक एमाले नेताका अनुसार विप्लव समूहका नेताहरूले हिजो गरएिका सहमतिअनुसार नै अगाडि बढ्न चाहेको बताएका थिए ।
उनीहरुले १ फागुन २०७७ मा सरकारसँग भएको ३ बुँदे सहमति कार्यान्वयनमा ढिला भएको गुनासो पनि गरेका थिए ।
अध्यक्ष ओलीले पनि आफू सरकारमा भए पनि वा विपक्षमा रहे पनि सहमतिबारे आफ्नो धारणा उही रहने बताउनुभएको छ ।