लोकसंवाद संवाददाता | कारोबार | श्रावण १०, २०७८
काठमाडौँ । नबिल बैङ्कमा लगानीको अवसर, ' ८ प्रतिशत नबिल डिबेन्चर २०८५' मा २०७८ साउन १० देखि आवेदन दिन सकिने जनकारी गराइएको छ ।
नबिल बैङ्क प्रमुख संस्थागत सञ्चार विभागका कृष्ण सुवेदी २०७८ साउन १० एक प्रेस विज्ञप्ति जारी गरी उपरोक्त जानकारी दिनु भएको हो । विज्ञप्तिका अनुसार नबिल बैङ्कले आजदेखि ३ अर्ब रुपैयाँ बराबरको ३० लाख कित्ता ऋणपत्र (डिबेञ्चर) निष्कासन गरेको छ । ‘८ प्रतिशत नबिल डिबेन्चर २०८५’ नाम दिइएको ७ वर्ष अवधि रहेको उक्त ऋणपत्र प्रति इकाई एक हजार रुपैयाँ दरमा बिक्रीमा ल्याइएको उल्लेख छ । ऋणपत्रमा लगानी गर्दा वार्षिक ८ प्रतिशत ब्याजदर पाइनेछ ।
नबिल बैङ्कले बिक्रीमा ल्याउने कुल ३० लाख कित्ता ऋणपत्रमध्ये १ अर्ब २० करोड रुपैयाँ बराबरको १२ लाख कित्ता सर्वसाधारणलाई बिक्री गर्नेछ भने बाँकी १ अर्ब ८० करोड रुपैयाँ बराबरको १८ लाख कित्ता व्यक्तिगत तवरबाट बिक्री गरिनेछ ।