लोकसंवाद संवाददाता | समाचार | श्रावण २४, २०७८
प्रधानमन्त्री शेरबहादुर देउवा र नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'बीच बालुवाटारमा भेटघाट भएको छ ।
सरकारलाई पूर्णता दिने र गठबन्धनले सार्वजनिक गर्न लागेको न्यूनतम साझा कार्यक्रमबारे छलफल गर्न प्रचण्ड बालुवाटार पुगेका हुन् ।
आज बिहान १० बजेपछि प्रधानमन्त्री देउवा र प्रचण्डबीच छलफल चलिरहेको प्रधानमन्त्रीको सचिवालयले जनाएको छ ।
प्रचण्डले आजै बिहान सिन्धुपाल्चोकका बाढीपीडितसँग आफूहरू सरकारलाई पूर्णता दिने विषयमा केन्द्रित रहेको बताउँदै छलफल गर्न बालुवाटार जान लागेको बताएका थिए ।
देउवा नेतृत्वको गठबन्धनको सरकार गठन भएको एक महिना पुग्न लाग्दासमेत मन्त्रिपरिषद्ले पूर्णता पाउन सकेको छैन । मन्त्रिपरिषद्को पूर्णताका लागि ग७बन्धन दलहरूबीच पटक पटक बैठक भए पनि सहमति बन्न सकेको देखिँदैन ।