लोकसंवाद संवाददाता | समाचार | भदौ १, २०७८
सरकारले केन्द्रीय समिति वा संसदीय दलमा २० प्रतिशत संख्या पुर्याएर राजनीतिक दल विभाजन गर्न मिल्ने अध्यादेश ल्याएको छ ।
बालुवाटारमा मंगलबार बसेको मन्त्रिपरिषद् बैठकले एमालेको माधव नेपाल खेमा र जनता समाजवादी पार्टीका महन्थ ठाकुर खेमालाई पार्टी विभाजन गर्न सहयोग हुने गरी दल विभाजनसम्बन्धी अध्यादेश ल्याएको हो ।
सरकारले राजनीतिक दलसम्बन्धी अध्यादेशको प्रावधान संशोधन गर्दै अध्यादेश राष्ट्रपति समक्ष सिफारिस गरेको छ ।
राजनीतिक दलसम्बन्धी ऐनमा रहेको व्यवस्थामा केन्द्रीय समिति र संसदीय दलमा ४० प्रतिशत संख्या पुर्याउनुपर्ने प्रावधान थियो । आजथको मन्त्रिपरिषद् बैठकले यस प्रावधानलाई खुकुलो बनाएको हो ।