लोकसंवाद संवाददाता | समाचार | भदौ १७, २०७८
काठमाडौँ । विगत लामो समयदेखि आन्तरिक राजस्व कार्यालय धनगढीका कर्मचारीसँगकाे मिलोमतोमा नक्कली अन्तशुल्क स्टिकरको उत्पादन वितरण तथा पैठारी गर्ने दुई जनालाई हर्केष सिंह र संग्राम साउदले आन्तरिक राजस्व विभागले नियन्त्रणमा लिएको जनाएको छ ।
आन्तरिक राजस्व विभागका अनुसार राजस्व कार्यालय धनगढीले नक्कली अन्तःशुल्क स्टिकरको कारोबार गर्दै आएका हर्केष सिंह र संग्राम साउदले विगत लामो समयदेखि अन्तःशुल्कको नक्कली स्टिकर भारतमा उत्पादन गर्ने र नेपाल ल्याई विभिन्न ट्रान्सपोर्ट मार्फत वितरण गर्ने कार्यमा सक्रिय रहेको अनुसन्धानबाट पत्ता लागेकाे थियो ।
हर्केष सिंह र संग्राम साउदले पटक पटक भारतमा उत्पादन गर्ने र नेपाल ल्याई विभिन्न ट्रान्सपोर्ट मार्फत ससाना डिष्ट्रिलरीमा वितरण गर्ने काम गरेको भेटिएपछि नियन्त्रणमा लिएको जानकारी आन्तरिक राजस्व विभागका महानिर्देशक शोभाकान्त पौडेलले जानकारी दिनु भएकाे छ
महानिर्देशक पौडेलका अनुसार सिंह र साउद आफैले सञ्चालक रहेकाे वेष्टर्न लिकर्स मसुरिया कैलालीमा नक्कली स्टिकरको प्रयोग गरी कारोबार गरेको भेटेपछि विभागले अनुसन्धानकाे दायरामा ल्याएकाे हो । अभियुक्तहरुलाई अन्तःशुल्क ऐन २०५८ अनुसार कारबाही हुने समेत महानिर्देशक पौडेलले जानकारी दिनु भएकाे छ ।