‘कमेडी च्याम्पियन- २’ को उपाधिका लागि भरतमणि, बिक्की र सन्तोषबीच भिडन्त

‘कमेडी च्याम्पियन- २’ को उपाधिका लागि भरतमणि, बिक्की र सन्तोषबीच भिडन्त

न्युज कारखाना  |  लोकरञ्जन  |  भदौ १८, २०७८

कमेडी रियालिटी शो ‘कमेडी च्याम्पियन- २’ को उपाधिका लागि भरतमणि पौडेल, बिक्की अग्रवाल र सन्तोष थापाबीच भिडन्त हुने भएको छ ।

शुक्रबार र शनिबार राति कान्तिपुर टेलिभिजनबाट प्रसारण हुने ‘कमेडी च्याम्पियन- २’ बाट कंचनपुरका हिक्मत महरा बाहिरिएपछि ३ जना फाइनलिस्ट तय भएका हुन् ।

ताप्लेजुङका पौडेल, सिक्किमका अग्रवाल र गोरखाका थापाका आआफ्नै खुबी र विशेषता छन् । स्ट्यान्डअप कमेडीमा अग्रवाल र थापा माहिर छन् । भरतमणि भने क्यारिकेचर गर्न अब्बल छन् ।

विषयवस्तु उठानका हिसाबले तीनै जना उत्तिकै प्रभावशाली देखिन्छन् । सबैका फ्यान फलोइङ उत्तिकै छन् ।

‘कमेडी च्याम्पियन- २’ का निर्णायकमा सन्तोष पन्त, मनोज गजुरेल, प्रदीप भट्टराई र ऋचा शर्मा छन् ।