लोकसंवाद संवाददाता | लोकरञ्जन | बैशाख २४, २०७६
काठमाडौं । फिल्म क्षेत्रमा आएपछि नायिकाको ‘अफेयर’बारे समाचार सुनिन्छन् । तर, उनीहरूको त्यसअघिको ‘अफेयर’बारे कमैलाई मात्रै जानकारी हुन्छ । बलिउडमा पनि थुप्रै नायिका छन्, जसको फिल्म क्षेत्रमा आउनुअघि ‘अफेयर’ चलेको थियो । तीमध्ये केहीको ‘अफेयर’बारे चर्चा गरिएको छ ।
प्रियंका चोपडा
फिल्म क्षेत्रमा आउनुअघि प्रियंका मोडलिङ गर्थिन् । त्यतिबेला उनको असिम मर्चेन्टसँग ‘अफेयर’ चलेको थियो । तर, मिस वल्र्ड भएपछि उनी असिमसँग अलग भइन् ।
दीपिका पादुकोण
दीपिका पादुकोणले अहिले अभिनेता रणवीर सिंहसँग दाम्पत्य जीवन बिताइरहेकी छन् । उनले बलिउडमा चर्चा कमाएपछि रणवीरसँग प्रेमविवाह गरेकी हुन् । तर, त्यसअघि उनी निहार पाण्ड्यासँग ‘अफेयर’मा थिइन् ।
अनुष्का शर्मा
अभिनेत्री अनुष्का शर्माले क्रिकेटर विराट कोहलीसँग दाम्पत्य जीवन बिताइरहेकी छन् । उनले पनि कोहलीसँग प्रेम विवाह गरेकी हुन् । तर, मोडलिङ गर्दा उनको जोहेब युसुफसँग ‘अफेयर’ चलेको सुनिन्छ । अनुष्का भने यो खबर गलत भएको दाबी गर्छिन् ।
कंगना रनौत
‘बलिउड क्विन’को उपमा पाएकी अभिनेत्री कंगना रनौत पनि अध्ययन सुमनसँग नजिकिएकी थिइन् । तर, एक वर्षपछि यी दुवै अलग भए ।
आलिया भट्ट
आलिया भट्ट स्कुल तहको अध्ययनका बेला अली दादारकरसँग लामो समय देखिएकी थिइन् । तर, फिल्म क्षेत्रमा सफलता पाएपछि उनी अलीसँग टाढा भइन् ।
सोनाक्षी सिन्हा
सोनाक्षी सिन्हाले दुई वर्षसम्म एडलेब्सको एमडी आदित्या श्राफसँग ‘अफेयर’ चलेको थियो । तर, केही समयपछि दुवै अलग भए । त्यसपछि आदित्याले टिभी अभिनेत्री मेघा गुप्तासँग विवाह गरे ।
ज्याक्लिन फर्नान्डिस
ज्याक्लिन फर्नान्डिस लामो समयसम्म बहराइनका राजकुमार हसन विन रासिद अल खलिफासँग रहिन् । तर, पछि दुवैको ‘ब्रेकअप’ भयो । यी दुवैको ‘ब्रेकअप’ हुनुमा साजिद खानको भूमिका रहेको मानिन्छ ।
– एजेन्सीको सहयोगमा