नेपाल र हङकङले अंक बाँडे, नेपाल छनोटबाट बाहिर
आश्विन ५, २०७८

एएफसी महिला एसियन कप- २०२२ छनोटअन्तर्गत समूह एफबाट नेपालको छनोट हुने  संभावना सकिएको छ ।

उज्वेकिस्तानको जेएआर स्टेडियममा भएको दोस्रो खेलमा नेपाल र हङकङले ०-० को बराबर खेल्दै अंक बाँडेपछि नेपालको महिला एसियन कपमा छनोट हुने संभावना समाप्त भएको हो ।

खेलमा दुवै टोलीले केही राम्रा अवसर बनाए पनि गोल भने गर्न सकेनन् । नेपालले भने हङकङको तुलनामा राम्रो खेल प्रस्तुत गरेको थियो । यद्यपि, नेपाल फिनिसिङमै चुकेको थियो ।

समूह एफमा दुई खेलबाट १ अंक जोडेको नेपाल पुछारमा छ । यस्तै, एक खेल खेलेको फिलिपिन्स ३ अंकसहित शीर्षस्थान तथा समान एक खेलबाट १ अंक जोडेको हङकङ दोस्रो स्थानमा छ ।

नेपालको संभावना सक्किएसँगै अब समूह एफबाट फाइनल चरणमा पुग्न फिलिपिन्स र हङकङबीच प्रतिस्पर्धा हुनेछ  ।

फिलिपिन्सलाई अन्तिम खेलमा हङकङलाई बराबरमा रोके पुग्नेछ भने हङकङलाई जितको विकल्प छैन ।

यसअघि पहिलो खेलमा नेपाल बलियो फिलिपिन्ससँग २-१ गोल अन्तरले पराजित भएको हो ।

नेपालको सुरुवाती- ११

गोलकिपर- अन्जिला तुम्बाप्पो सुब्बा
डिफेन्डर- हीराकुमारी भुजेल, अमृता जैशी, गीता राना, बिमला बिक
मिडफिल्डर- रेनुका नगरकोटी, सरु लिम्बू, मन्जलीकुमारी योन्जन
फरवार्ड- प्रीति राई, सविता राना मगर, विमला चौधरी


न्युज कारखाना समाचार संस्था हाे ।