लोकसंवाद संवाददाता | कारोबार | कार्तिक ३, २०७८
नेपाल इन्भेष्टमेन्ट बैंकको पूर्वघोषित लाभांश संशोधन गरिएको छ । बैंकले राष्ट्र बैंकको निर्देशनअनुसार यसअघि प्रस्ताव गरेको लाभांशमा संशोधन गरेको हो ।
बैंकको मंगलबार बसेको संचालक समितिको बैठकले अब गत वर्षको नाफाबाट १२.६११ प्रतिशत बोनस शेयर र ३.३८९ प्रतिशत नगद लाभांश वितरण गर्ने निर्णय गरेको थियाे । यसअघि बैंकले ११.२४ प्रतिशत बोनस शेयर र ४.७६ प्रतिशत नगद लाभांश वितरण गर्ने घोषणा गरेको थियो ।
अब बैंकले २ अर्ब ५ करोड २ लाख ११ हजार ८२३ रुपैयाँ बराबरको बोनस शेयर बाँड्नेछ । ५५ करोड ९ लाख ६० हजार ८९७ रुपैयाँ नगद लाभांश वितरण गर्नेछ ।
संचालक समितिको बैठकबाट प्रस्तावित लाभांश राष्ट्र बैंकको अनुमोदन तथा बैंकको आगामी वार्षिक साधारणसभाबाट अनुमोदन भएपछि मात्र लगानीकर्ताले पाउनेछन् ।