लोकसंवाद संवाददाता | समाचार | कार्तिक ११, २०७८
प्रतिनिधिसभाको बैठकमा नेकपा एमालेका सांसदहरूले नाराबाजी लगाइरहेका छन् । प्रतिनिधिसभाको बिहीबारको बैठक सुरु हुनासाथ एमालेका सांसदहरूले नाराबाजी गर्दै अवरोध गरेका हुन् ।
सभामुख अग्निप्रसाद सापकोटाको भूमिकालाई लिएर चालू संसदको नवौँ अधिवेशनका सुरुकै बैठकदेखि लगातार एमालेका सांसदहरूले नाराबाजी गर्दै आएका छन् । तर, उनीहरूले नाराबाजी गरिरहे पनि सभामुख सापकोटाले बैठकलाई कार्यसूचीमा प्रवेश गराउँदै आएका छन् ।
बिहीबारको बैठकमा पनि एमाले सांसदहरूले नाराबाजी गरिरहँदा सभामुख सापकोटाले बैठकलाई कार्यसूचीमा प्रवेश गराएका छन् ।
बैठकलाई कार्यसूचीमा प्रवेश गराउनुअघि सभामुख सापकोटाले बैठक संचालनको वातावरण बनाउन सहयोग गर्न आन्दोलित सांसदहरूसँग आग्रह गर्दै आएका छन् ।