लोकसंवाद संवाददाता | कारोबार | मंसिर २३, २०७८
बैंक तथा वित्तीय संस्थाहरूको ऋण लगानी ३ अर्ब रुपैयाँले घटेपछि कर्जा-निक्षेप अनुपात (सीडी रेसियो)मा सुधार आएको छ ।
नेपाल राष्ट्र बैंकका अनुसार सोमबारको तुलनामा मंगलबार बैंक तथा वित्तीय संस्थाको निक्षेप ३ अर्ब रुपैयाँले वृद्धि हुँदा ऋण लगानी पनि ३ अर्ब रुपैयाँले नै घटेको छ ।
सोमबारसम्ममा बैंक तथा वित्तीय संस्थाहरूको लगानी ४५ खर्ब ८८ अर्ब रुपैयाँ रहेकामा मंगलबार ४५ खर्ब ८५ अर्ब रुपैयाँमा झरेको छ । यसैगरी सोमबारसम्म ४७ खर्ब ९८ अर्ब रुपैयाँ निक्षेप रहेकामा वृद्धि भई मंगलबार ४८ खर्ब एक अर्ब रुपैयाँ पुगेको छ ।
निक्षेप वृद्धि र कर्जा लगानी घटेपछि बैंकको औसत सीडी रेसियो मंगलबार ९०.८९ प्रतिशतमा झरेको छ । सोमबार सीडी रेसियो ९१ प्रतिशत रहेको थियो ।निक्षेप घटे पनि कर्जा लगानीमा आक्रामक भएपछि बैंकमा तरलता अभाव भइरहेको छ ।
मंगरबारसम्मको वित्तीय सूचक
कुल निक्षेप : ४८ खर्ब एक खर्ब
कुल लगानी : ४५ खर्ब ८५ अर्ब
कर्जा-निक्षेप अनुपात : ९०.८९ प्रतिशत
अन्तरबैंक व्याज दर : ४.९८ प्रतिशत