लोकसंवाद संवाददाता | समाज | मंसिर २३, २०७८
लमजुङको मर्स्याङ्दी गाउँपालिका- ८ भुस्मे नजिकै कालिमाटीमा जिप दुर्घटना हुँदा ३ जनाको मृत्यु भएको छ । ६ जना घाइते भएका छन् ।
मर्स्याङ्दी गाउँपालिका- ९ सिम्पानीबाट वडा नम्बर- ८ भुस्मेमाथि पिसहिल स्टेसनतर्फ जाँदै गरेको ग१ज ६३१७ नम्बरको जिप बिहीबार बिहान साढे १० बजेतिर दुर्घटना भएको हो ।
गणेश माध्यमिक विद्यालय सिम्पानीका शिक्षक र विद्यार्थी बोकेर गएको जिप सडकबाट डेढ सय मिटर तल खसेको प्रहरीले जनाएको छ । मृत्यु हुनेमा शिक्षक र विद्यार्थी छन् ।
घाइते ६ जनालाई स्थानीय, प्रहरीले उद्दार गरी उपचारका लागि जिल्ला अस्पताल लमजुङ ल्याएका छन् ।