लोकसंवाद संवाददाता | समाचार | पुष ११, २०७८
नेकपा क्रान्तिकारी माओवादी नेता सीपी गजुरेलले नेकपा (माओवादी केन्द्र)सँग पार्टी एकताको प्रस्ताव गरेका छन् ।
माओवादी केन्द्रको आइतबारदेखि सुरु भएको आठौँ महाधिवेशनको उद्घाटन सत्रलाई सम्बोधन गर्दै उनले पार्टी एकताका लागि माओवादी सशस्त्र विद्रोहले तय गरेका एजेन्डा स्थापित गराउनेदेखि एमसीसी खारेज गर्ने निर्णय गर्न माग गरेका छन् ।
‘माओवादी जनक्रान्तिले तय गरेका एजेन्डा कार्यान्वयन गर्ने, राष्ट्रघाती एमसीसी खारेज गर्ने निर्णय गर्नुहोस्', उनले भने, ‘यी निर्णय भयो भने माओवादी एकताका लागि छलफल गर्ने बाटो खुल्छ ।'