लोकसंवाद संवाददाता | समाचार | बैशाख ३१, २०७६
काठमाडौं । सरकारले प्रेसलाई कुण्ठित गर्नेगरी कानुन तर्जुमा गर्न थालेपछि अमेरिकी राजदूत -यान्डी बेरीले प्रेस स्वतन्त्रता प्रजातन्त्रको आधारभूत अंग रहेका कारण सूचनाको स्वतन्त्र प्रवाहप्रति आफ्नो चासो रहेको बताएका छन्।
राजदूत बेरीले आइतबार अपराह्न ट्विट गर्दै नेपाली नेताहरूले आफूसँगको भेटमा सधैं प्रजातान्त्रिक स्वतन्त्रताप्रति प्रतिबद्धता जनाएको उल्लेख गरेका छन्। ‘नेपालका नेताहरूले सधैं प्रजातान्त्रिक स्वतन्त्रताबारे मसँग जोड दिँदै आएका छन्,’ बेरीले भनेका छन्, ‘कुनै पनि प्रजातन्त्रका निम्ति प्रेस स्वतन्त्रता आधारभूत अंगका रुपमा रहेको हुन्छ र म कार्य, कानुन र नियमहरूका कारण सूचनाको स्वतन्त्र प्रवाहमा अवरोध आएकोप्रति चासो राख्छु।’ नागरिक दैनिकमा समाचार छ ।