लोकसंवाद संवाददाता | कारोबार | पुष १६, २०७८
नेपाल स्टक एक्सचेन्ज (नेप्से)ले शुक्रबार १० वटा कम्पनीको शेयर मूल्य समायोजन गरेको छ ।
कम्पनीहरूले बोनस शेयर वितरणको प्रस्ताव गरेसँगै नेप्सेले शेयर मूल्यमा पनि समायोजन गरेको हो ।
नेप्सेले नबिल बैंक, कृषि विकास बैंक, हिमालयन डिस्टिलरी, गुडविल फाइनान्स, फरवार्ड लघुवित्त, समिट लघुवित्त, एनआरएन इन्फ्रास्ट्रक्चर डेभलपमेन्ट कम्पनी, मञ्जुश्री फाइनान्स, इन्फिनिटी लघुवित्त र चिलिमे हाइड्रोको शेयर मूल्य समायोजन भएको जनाएको छ ।
अघिल्लो कारोबार दिनको अन्तिम मूल्यका आधारमा नेप्सेले कम्पनीहरूको शेयर मूल्य समायोजन गरेको हो ।
आइतबारदेखि यी कम्पनीहरूको कारोबार समायोजन भएको मूल्यबाट सुरु हुनेछ ।