लोकसंवाद संवाददाता | कारोबार | पुष १९, २०७८
गत साता बैंक तथा वित्तीय संस्थाहरूको निक्षेप ८ अर्ब रुपैयाँ बढेको छ । ४८ खर्ब ११ अर्ब रुपैयाँ निक्षेप रहेकोमा गत शुक्रबारसम्ममा निक्षेप बढेर ४८ खर्ब १९ अर्ब रुपैयाँ पुगेको छ ।
बाणिज्य बैंकहरूको निक्षेप ४२ खर्ब ४३ अर्ब रुपैयाँबाट ४२ खर्ब ४९ अर्ब रुपैयाँ पुगेको छ भने विकास बैंक तथा वित्त कम्पनीहरूको ५ खर्ब ६८ अर्ब रुपैयाँबाट वृद्धि भई ५ खर्ब ६९ अर्ब रुपैयाँ पुगेको छ ।
यसैगरी बैंक तथा वित्तीय संस्थाहरूको ऋण लगानी पनि २ अर्ब रुपैयाँले वृद्धि भएको छ । कुल ऋण लगानी ४६ खर्ब १५ अर्ब रुपैयाँबाट वृद्धि भई ४६ खर्ब १७ अर्ब रुपैयाँ पुगेको छ ।
गत साता मात्र राष्ट्र बैंकले ११ अर्ब ४८ अर्ब रुपैयाँ पुनर्कर्जा स्वीकृत गरेको थियो । राष्ट्र बैंकले पुनर्कर्जा स्वीकृत गरी बैंक तथा वित्तीय संस्थामा पठाएपछि तरलताको अवस्था केही सहज देखिएको हो ।
तरलताको अवस्था सहज भएपछि बैंकहरूको औसत कर्जा-निक्षेप (सीडी) अनुपात पनि ९०.७६ प्रतिशतमा झरेको छ ।