लोकसंवाद संवाददाता | खेलकुद | माघ ५, २०७८
नेपाल एपीएफ क्लबले प्रधानमन्त्री कप टी- २० राष्ट्रिय क्रिकेट प्रतियोगिता उपाधि जितेको छ ।
बुधबार भएको फाइनलमा एपीएफले नेपाल पुलिस क्लबलाई २१ रनले हराउँदै उपाधि जितेको हो । तीव्र गतिका बलर किशोर महतो र अमरसिंह राउटेलाको उत्कृष्ट प्रदर्शनमा एपीएफ पुलिसविरुद्ध हाबी भएको थियो ।
१५८ रनको विजयी लक्ष्य पछ्याएको पुलिसले २० ओभरमा ७ विकेट गुमाउँदै १३६ रन मात्र बनाउन सक्यो । पुलिसका दीपेन्द्रसिंह ऐरीले ५४ बलमा ३ चौका र २ छक्कासहित ६५ रनको योगदान दिएका थिए ।