एजेन्सी | विदेश | माघ १०, २०७८
क्यामरुनको राजधानी शहर याओउन्डीस्थित एउटा नाइट क्लबमा आगो लाग्दा कम्तीमा १६ जनाको मृत्यु भएको छ । आगलागीमा ८ जना घाइते भएका छन् । नाइट क्लबमा राखिएको पटका पड्किँदा आगो लागेको हो । पटाकाबाट सल्किएको आगो केही मिनेटमा क्लबभर फैलिएको थियो ।
घटनाबारे सरकारले अनुसन्धान सुरु गरेको छ । बिस्फोटमा मृत्यु भएका व्यक्तिका आफन्तप्रति राष्ट्रपति पाउल वियाले गहिरो समवेदना व्यक्त गरेका छन् ।
आगलागीमा जलेकामध्ये केहीको अवस्था गम्भीर रहेको प्राप्त विवरणहरूमा जनाइएको छ । क्यामरुनमा यसअघि पनि नाइट क्लबमा आगो लाग्दा क्लबमा रमाउन गएका मानिसहरूको जलेर मृत्यु भएको थियो ।