लोकसंवाद संवाददाता | जीवनशैली | जेठ २, २०७६
काठमाडौं । सृष्टिका पालनकर्ता मानिने भगवान विष्णुको पूजाअर्चना बिहीबार गर्नुपर्छ भन्ने मान्यता छ । यस दिन भगवान विष्णुको पूजाअर्चना गर्नेहरूले पहेलो रङका वस्तुको अत्यधिक उपयोग गर्छन् । गुड तथा चना भगवान विष्णुलाई अर्पित गर्छन् ।
तर, के भगवान विष्णुलाई गुड वा चना चढाए खुसी हुन्छन् त ?
अहँ, हुँदैनन् ।
शास्त्रसम्बन्धी जानकारका अनुसार भगवान विष्णुलाई खीर तथा हलुवा धेरै मनपर्छ । त्यसकारण भगवान विष्णुको पूजा गर्दा यिनै वस्तु चढाउनुपर्ने शास्त्रसम्बन्धी जानकार बताउँछन् । उनीहरूका अनुसार भगवान विष्णुलाई शुद्ध दूध तथा चामलले बनेको खीर वा सूजीको हलुवा चढाउनुपर्छ ।
लक्ष्मीनारायण मन्दिरमा आइतबार र बिहीबार खीर वा हलुवा चढाए भगवान लक्ष्मी र नारायण दुवैको कृपा रहने तथा धन–समृद्धि हुने मान्यता छ ।