लोकसंवाद संवाददाता | लोकरञ्जन | माघ २७, २०७८
काठमाडौँ । संखुवासभा सिलिचोङ निवासी शशी किराँतीको मीठो पूर्वेली लोकगीत ‘हातैको रुमाल’ बजारमा ल्याइएकाे छ ।
सङ्खुवासभा सिलिचोङ गाउँपालिका माङ्तेवामा जन्मेकी हुन् गायिका शशी किराती । मोफसलमा रहे पनि विगत दुई वर्षदेखि नेपाली गीत–सङ्गीत क्षेत्रमा निरन्तर सक्रिय रहँदै आएकी छिन् ।
छोटै अवधिमै दुई दर्जनभन्दा बढी गीतहरू रेकर्ड गराइसकेकी गायिका शशी काे ‘हातैको रुमाल’ मा जीवन मुकारुङको पुरुष स्वर रहेको छ । भिडियोलाई अफिसियल युट्युब च्यानल ‘शशि किराँती’मार्फत सार्वजनिक गरिएको हो ।
जुन गीतको शब्द/सङ्गीत जीवन मुकारुङको रहेको छ भने गीतको एरेन्ज पदम रजन मगरले गरेका छन् । रेकर्डिङ, मिक्सिङ र मास्टरिङ सेवा रेकर्डिङ स्टुडियोमा गरिएको छ । भिडियोलाई योगेन मुकारुङले खिचेका हुन् भने जीवन मुकारुङले सम्पादन गरेका छन् ।