लोकसंवाद संवाददाता | कारोबार | फाल्गुन १, २०७८
साताको पहिलो दिन आइतबार सुनको भाउ प्रतितोलामा १ हजार ५०० रुपैयाँले बढेको छ ।
नेपाल सुन-चाँदी व्यवसायी महासंघका अनुसार आइतबार छापावाल सुनको भाउ तोलाको ९५ हजार ५०० रुपैयाँ कायम भएको छ । अघिल्लो साताको अन्तिम दिन शुक्रबार छापावाल सुन तोलाको ९४ हजार रुपैयाँमा कारोबार भएको थियो ।
यसैगरी आइतबार तेजावी सुनको भाउ तोलाको ९५ हजार रुपैयाँ निर्धारण भएको छ । साताको पहिलो दिन आइतबार चाँदीको मूल्य पनि प्रतितोलामा २० रुपैयाँले बढेको छ ।
शुक्रबार १ हजार २८० रुपैयाँमा कारोबार भएको चाँदी आइतबार १ हजार ३०० रुपैयाँ निर्धारण गरिएको महासंघले जनाएको छ ।