लोकसंवाद संवाददाता | समाचार | फाल्गुन ५, २०७८
काठमाडौँ । नेकपा एमाले भक्तपुरका नेता दामोदर काफ्ले नेकपा (एकीकृत समाजवादी)मा प्रवेश गरेका छन् ।
नेपाल (एमाले) मा व्यक्तिवादी प्रवृत्ति, अहंकारवादी, निरङ्कुश एवं स्वेच्छाचारी प्रवृत्ति, चरम गुटबन्दी, दक्षिणपन्थी अवसरवाद र विसर्जनवाद हाबी भएको भन्दै बिहीबार एकीकृत समाजवादीको केन्द्रीय कार्यालयमै आएर काफ्ले प्रवेश गरेका हुन् ।
एमालेमा रहेर ०६७ मा नगर कमिटी हुँदै जिल्ला कमिटीको जिम्मेवारी समेत वहन गरिसकेका उनले अव एमालेमा कम्युनिस्ट चरित्र नरहेको भन्दै कार्यकर्ताहरूलाई अलमल नगर्न र सही नीति विचार र सिद्धान्त अंगिकार गरेको एकीकृत समाजवादीमा आबद्ध हुन अनुरोध गरे । न
नवप्रवेशि काफ्लेलाई नेकपा (एकीकृत समाजवादी) का महासचिव डा.बेदुराम भुसालले खादा र अबिर लगाएर स्वागत गरेका थिए । कार्यक्रममा नेकपा (एकीकृत समाजवादी) भक्तपुरका अध्यक्ष श्याम बस्नेत र सचिव पुरुषोत्तम लामिछानेको उपस्थिति रहेको थियो ।