लोकसंवाद संवाददाता | शिक्षा | फाल्गुन १२, २०७८
पाँचथर । सञ्चारकर्मी मौसम तुम्बाहाम्फे, सुनिता खजुम र संगिता सुहाङले पाँचथरका २ वटा विद्यालयका विद्यार्थीहरुलाई सहयोग वितरण गरेका छन् ।
पाँचथरको फिदिम नगरपालिका–४ मा रहेको गढी माविका दृष्टिविहीन विद्यार्थी र जिल्लाको कुम्मायक गाउँपालिका–४ मा रहेको सिँहवाहिनी आधारभूत विद्यालयका विद्यार्थीहरुलाई विद्यालयमै पुगेर उनीहरूले सहयोग वितरण गरेका हुन् ।
गढी माविका १५ जना दृष्टिविहीन विद्यार्थी र सिँहवाहिनी आधारभूत विद्यालयका ४० जना विद्यार्थीहरुलाई करिब ७० हजार मूल्य बराबरको विद्यालय पोसाक (स्विटर, टाई) प्रदान गरिएको सहयोगकर्ता मौसम सम्बाहाम्फले जानकारी दिइन् ।
बुधवार विद्यालयमा एक समारोहको आयोजना गरी सहयोग प्रदान गरिएको बत्ताइएको छ । कार्यक्रममा विद्यालयमा अध्ययनरत विद्यार्थी, शिक्षकहरूको उपस्थिति रहेको थियो ।
आफैले कक्षा ५ सम्म अध्ययन गरेको विद्यालयमा अध्ययनरत विद्यार्थीहरुलाइ सहयोग गर्न पाउँदा खुसी लागेको सम्बाहाम्फेले बत्ताइन् ।उनीहरू स्थानीय रेडियोमा कार्यरत सञ्चारकर्मी हुन् ।