लोकसंवाद संवाददाता | समाचार | जेठ ४, २०७६
काठमाडौं, एजेन्सी । बेलायतको म्यानचेष्टर शहरको एक बारमा ग्राहकले २९० डलरको वाइन अर्डर गरेका थिए । तर महिला वेटरले उक्त ग्राहकलाई गल्तीले उसलाई ५००० डलरको वाइन सर्भ गरिदिइन ।
उक्त ग्राहकले वाइन पिए पनि यसका बारेमा थाहा पाएनन् । तर, यसका बारेमा बार मालिकले जानकारी पाए पनि कर्मचारीलाई माफ गरिदिए ।
बार मालिकले यस घटनाका बारेमा ट्वीटरमा उल्लेख गरे । कर्मचारीलाई कारवाही गरिनुपर्ने आशयका थुप्रै कमेन्ट आएपनि बार मालिकले दुबै बोतल हेर्दा उस्तै देखिने भएका कारण कर्मचारी झुक्किएको बताए ।
बार मालिकको यो ट्वीटलाई २५००० लाइक प्राप्त भएको थियो ।
बार मालिकले कर्मचारीका बारेमा भने, कर्मचारीका रुपमा हामी तिमीलाई प्रेम गरिरहनेछौं । एक पटकलाई हामीले यो गलतीलाई माफ गरिदिएका र्छौ तर दोस्रोपटक भने यस्तो गल्ती दोहोरिनु भएन ।