लोकसंवाद संवाददाता | समाचार | फाल्गुन २६, २०७८
संखुवासभामा भएकाे बस दुर्घटनामा ज्यान गुमाउनेकाे संख्या १४ पुगेकाे छ । मादी नगरपालिका- ६ मा बिहीबार बा४ख ७३५ नम्बरको बस दुर्घटना भएकाे थियाे ।
जिल्ला प्रहरी कार्यालय संखुवासभाका प्रहरी नायव उपरीक्षक लालध्वज सुवेदीका अनुसार दुर्घटनामा ज्यान गुमाउनेकाे संख्या १४ पुगेकाे हाे । ५ जना घाइते भएका छन् ।
झापाको दमकतर्फ जाँदै गरेको बस आज बिहान करिब साढे ७ बजेतिर संखुवासभाको मादी नगरपालिका- ६ सातघुम्तीमा दुर्घटनामा परेकाे थियाे ।