लोकसंवाद संवाददाता | समाचार | फाल्गुन २६, २०७८
प्रधानमन्त्री शेरबहादुर देउवाले अमेरिकी सहायता परियोजना एमसीसी सम्झौताअनुसार आउने अनुदानबापतको रकमले देश विकास र रोजगार बढाउने बताएका छन् ।
पर्साको वीरगंजमा बिहीबार कांग्रेस पर्साको नवनिर्वाचित पदाधिकारीलाई प्रमाणपत्र हस्तान्तरण कार्यक्रमलाई सम्बोधन गर्दै उनले एमसीसी सम्झौताअनुसार आउने अनुदानबापतको रकमले देशको विकास र रोजगार बढाउन सहयोग गर्ने दाबी गरेका हुन् ।
‘एमसीसीबाट आउने रकम ऋण होइन, अनुुदान हो’, प्रधानमन्त्री देउवाले भने, ‘यसले देशको विकास र रोजगारी बढाउँछ ।’
उनले नवनिर्वाचित कार्यसमितिका पदाधिकारीलाई बधाई तथा प्रमाणपत्र हस्तान्तरण गरेका हुन् ।