लोकसंवाद संवाददाता | कारोबार | चैत्र १५, २०७८
नेपाली बजारमा मंगलबार सुनको भाउ घटेको छ । नेपाल सुन-चाँदी व्यवसायी महासंघका अनुसार आज छापावाल सुनको भाउ तोलामा १ हजार ३०० रुपैयाँले घटेको छ ।
सोमबार सुन तोलाको १ लाख ५०० रुपैयाँमा कारोबार भएकामा मंगलबार ९९ हजार २०० रुपैयाँ कायम भएको महासंघले जनाएको छ ।
आज तेजावी सुनको भाउ तोलाको ९८ हजार ७०० रुपैयाँ निर्धारण भएको छ ।
चाँदीको भाउ पनि प्रतितोलमा १० रुपैयाँले घटेको छ । सोमबार १ हजार ३८० रुपैयाँमा कारोबार भएको चाँदी आज १ हजार ३७० रुपैयाँमा निर्धारण भएको छ ।