लोकसंवाद संवाददाता | समाचार | बैशाख १३, २०७९
बिर्तामोड । नेकपा एकीकृत समाजवादी पार्टीबाट बिर्तामोडमा उप मेयर सहित ५ वडा अध्यक्ष र १४ जना सदस्यको उम्मेदवारी परेको छ।
सो पार्टीबाट उप प्रमुखमा नेकपा एकीकृत समाजवादीका प्रचार विभाग सदस्य समाजवादी प्रेस संगठन नेपालका उपाध्यक्ष तीर्थ सिग्देलसहित वडा न १ वाट अध्यक्षमा केदार ओडारी, ३ मा पुन्यप्रसाद अर्याल, ४ बाट श्रीप्रसाद सिटौला, १० बाट चेतानन्द निरौला रहुनु भएकाे छ ।
वडा सदस्यमा १४ जनाको उम्मेदवारी परेको सो पार्टीले जनाएको छ । नगरमा राम्रो उपस्थिति रहेकोले घर दैलो अभियान र टोल सभाको योजना अगाडि सारिएको पार्टी उप सचिब बीपी भट्टराईले बताए ।
बिर्तामोडमा उप प्रमुख उठेका सिग्देल लामो समयदेखि पत्रकारिता र लेखन कार्यमा सक्रिय ब्यक्ति हुन । बिगत ३० वर्षदेखि राजनितिक कार्यकर्ताका रुपमा कृयाशील सिग्देलको उम्मेदवारीले बिर्तामोडको चुनावी माहौल तातेको छ । उनले आफ्नो २५ बुँदे अवधारणा पत्र सार्वजनिक गर्दै नगर विकासको खाका प्रस्तुत गरेका छन् ।