लोकसंवाद संवाददाता | समाचार | जेठ ९, २०७६
काठमाडौं । लोकसभा चुनावअन्तर्गत जारी मतगणनामा प्रधानमन्त्री नरेन्द्र मोदीले फराकिलो अग्रता कायम गरेका छन् । भारतीय न्युज टेलिभिजन आजतकका अनुसार मोदी वाराणसी सिटमा आफ्ना प्रतिद्वन्द्वीभन्दा एक लाख ६३ मतले अगाडि छन् ।
यो सिटमा कांग्रेस अजय रायले मोदीसँग प्रतिष्पर्धा गरेका थिए ।
आजतकको पछिल्लो अपडेट अनुसार भारतीय जनता पार्टी (भाजपा) नेतृत्वको एनडिए गठबन्धनले ३३७ सिटमा अग्रता कायम गरेको छ । यस्तै, कांग्रेसले ९१ र अन्यले ११४ सिटमा अग्रता लिइरहेका छन् ।