लोकसंवाद संवाददाता | समाचार | जेठ २२, २०७९
काठमाडौँ । नेकपा (एकीकृत समाजवादी) का सम्मानित नेता झलनाथ खनालले चुनावी तालमेल र त्यसको परिणामबाट आफूहरू बेहद असन्तुष्ट रहेको बताउनु भएको छ ।
स्थानीय तह निर्वाचनको समीक्षा गर्न पार्टी कार्यालयमा आयोजित सचिवालय बैठकपछि सञ्चारकर्मीसँग बोल्दै नेता खनालले गठबन्धनका अन्य दलले सम्मानजनक ढंगबाट गठबन्धन नगरेको बताउनु भयो ।
त्यो असन्तुष्टि हामीले पाँच दलभित्र पनि राखेका छौँ । हामी आफैँ पनि समीक्षा गर्दछौँ । अहिले समीक्षाको बीचमा छौँ । समीक्षा गरिसकेपछि के के निस्कर्षमा पुग्छौ त्यसको आधारमा फेरि अगाडि बढ्छौ खनालको भनाई थियो ।