लोकसंवाद संवाददाता | लोकरञ्जन | जेठ २२, २०७९
नेपाली गायकहरूले अस्ट्रेलियाको सिड्नीमा सांगीतिक प्रस्तुति दिने भएका छन् । युवा पुस्तामा रुचाइएका नेपाली गायकहरूले सांगीतिक प्रस्तुति दिन लागेका हुन् ।
नेपाली टचले एक्सपर्ट एजुकेसनको आयोजनामा सिड्नीमा ‘नाइटी इन्फिनिटी’ कार्यक्रम हुन लागेको छ, जसमा नेपाली गायकहरू स्वप्न सुमन, ओएसिस थापा, एकदेव लिम्बू तथा छेवाङ लामाले आफ्नो प्रस्तुति दिनेछन् ।
यही ९ जुन अर्थात् २६ जेठमा सिड्नीको डार्लिङ हार्बरस्थित होम द भेन्युमा कार्यक्रम आयोजना हुनेछ । उक्त कन्सर्टको टिकट अनलाइनमार्फत लिन सकिने आयोजक संस्थाले जनाएको छ ।
१८ वर्षमाथिका दर्शकहरूले सहभागिता जनाउन सक्ने उक्त कार्यक्रम स्थानीय समयअनुसार राति ८ बजेदेखि सुरु हुनेछ ।